COVID hygiene praktis i mas ko hed

Woning blong pipol i mas ko hed praktisim gud hygiene olsem washem hand mo ko test from COVID.

Long wiken ia, Sydney Morning Herald i ripotem wan cruise ship wetem wan estimeit namba blong 800 positiv kes we oli ko kasem Sydney harbour, Australia long Saturday we i pas.

“Yumi mas save se COVID i stap yet long Vanuatu; Mo taem yumi washem hand mo werem mask taem yumi sik hemi help katem daon spread blong sik ia,” Health Otoriti i talemaot.

“I no hemia nomo be taem yu sik olsem cough o fil weak, ko test long ol health fasiliti kolosap. Yumi stil mekem COVID test yet.”

Sydney Morning Herald i talem se 3300 guest mo 13000 crew memba long Majestic Princess cruise ship bae i saed long Sydney Harbour mo folem wan 12 dei cruise i ko long New Zealand.

Mbe wan Princess Cruises spokesperson i talem se ol guest wetem COVID we oli no soem eni saen blong sik ia bae oli stap olgeta wan long rum blong olgeta bifo oli aot.

“Ol guest we oli no sik bae oli mas werem mask mo bae oli ko hed blong werem kasem taem oli ko aot long ship,” Spokesperson ia i talem.

Ol health otoriti long Vanuatu i talem se hand wash hemi gud from i help stopem ol nara sik tu olsem nomol flu mo diarrhoea.

Tourism i talem se Port Vila bae i expektem tri cruise ship long Novemba ia.

(Visited 165 times, 1 visits today)

About The Author

You might be interested in