COVID kes -Torba mo Pentecost

Inkris COVID kes i mekem se Torba mo Pentecost i ko long alert level 3.

Health Minista, Bruno Leingkone i anaonsem long Friday se Torres i kat 29 mo Ranwadi College long Penetecost i kat 25 kes.

Director General blong Health, Russel Tamata i talem se investikesen bae i hapen long hao kes i kasem tufala eria ia.

“Kos blong ol niu kes ia long Ranwadi High Skul long Penetcost mo Torba i kat wan investikesen tim i stap wok long hem mo bambae yumi save yusum olsem ol infomesen blong save helpem ol nara wan long hao yumi stap karemaot ol muvmen long ol difren provins,” Mr Tamata i talem.

“Mi wantem mekem i klia long resen from wanem ful Torba i ko long level 3 from naoia we yumi stap toktok, i kat ol semak kes olsem saen blong feva oli saspektem long Gaua. Yumi no tekem eni konfem kes longwe yet.

“Muvmen i stop blong alaoem health i ko hed long wok blong kondak tracing mo surveilens.”

Mr Tamata i talem se bae oli ko hed blong monitarem situasen blong COVID long Sanma, Torba mo Pentecost.

Long wiken ia, Torba Health i rilisim wan oda blong stopem travel in mo aot long ol aelan; Market i ristrik kasem May 1st; Ol emeregncy travel i save hapen be oli mas letem Torba Tasforce i awea blong apruvum 24 haoa bifo travel.

Oda ia i efektiv stat tete April 23 blong alaoem tim i mekem wok.

Minista Leingkone i talem se namba blong ol kes ia i save jenis.

I kat tri aelan long Torres oli afek long COVID. 13 kes long Loh, 13 long Toga mo 3 long Tegua aelan.

 

(Visited 194 times, 1 visits today)

About The Author

You might be interested in