COVID vaccination long Malo

COVID-19 vaccination long rurol Sanma i kohed long Malo.

Sanma COVID-19 vaccination tim i stap rolemaot vaccination long Malo aelan long wik ia.

Long eli wik ia rolaot blong vaccine long Malo i open long Avunatari Helt Senta long West Malo.

Moa long 1000 pipol long wes Malo i tekem vaccine.

Micah Vatu wan komuniti memba long West Malo i serem tingting blong hem abaot vaksin.

Hemi talem se hemi tekem vaccine i stret nomo.

“Taem oli stikim mi, mi fil nomol nomo, plante oli se hed i raon mbe mi no filim enitink,” Mr Vatu i talem

“Naoia plante pipol i stap rispon blong kam tekem stik meresin blong COVID.”

Vaccination tim i stap naoia long east Malo blong komplitim vaccination long aelan ia. Tim bae i stap long Malo blong tu wiks.

I gat wan taket population blong 2,648 eligible pipol long aelan blong Malo we vaccination tim i lukluk blong vaccinatem.

Afta long Malo aelan bae Sanma COVID-19 vaccination tim bae i muv i ko long South Santo Area Two blong rolemaot vaccination long Vulesepe Helt Senta.