COVID vaccine awenes long Sanma

COVID-19 vaccine rolaot aweanes long Sanma i kohed.

Sanma hemi seken provins we rolaot blong vaccination bai i stap long hem long manis okis.

Long wan outreach blong COVID-19 vaccine roll out long Tutuba aelan, Sanma Public Helt i talem se ol komuniti lida long Sanma i mas mekem raet choice blong ol pipol blong olgeta i save risivim COVID vaccine.

Marie France Christian, Chairlady blong Sanma Provincial Immunization Committee mo Senior Officer long Sanma Public Helt, i talem se hem ia hem i mein mesej.

Hemi talem se pipol i mas stap sef.

“Letem pipol i awea se vaccine hemi gud,” Mrs Christian i talem.

Long outreach long Tutuba, Sanma Public Helt i educatem mo trenem ol patisipen we oli kam long ol difren komuniti long Southeast Santo Eria Kaonsel blong oli help blong kivimaot aweanes long ol pipol abaot vaccine long ol difren komuniti long Southeast Santo.

Area Secretary blong Southeast Santo Eria Kaonsel, Elie Kalnpel, i talem se ol pipol ia i kamaot long eria blong hem long Santo.

“Ol paticipant ia oli kam long ol eria long Southeast Santo eria kaonsel olsem long Turtle Bay, Showground, Banban mo nara moa,” Mr Kalnpel i talem.

Mrs Christian i talem se nomata long plante confusen mo kwesten abaot vaccine, plante komuniti lida long Sanma i talem se oli redi blong tekem vaccine.

COVID vaccine aweanes i bin hapen long Luganville mo ol urban komuniti mo naoia i stap ko long ol rurol eria long Sanma provins.

Nekis outreach olsem bae i hapen long Canal Fanafo long nekis wik.

 

 

 

 

 

(Visited 139 times, 1 visits today)

About The Author

You might be interested in