Cruise ship blong kasem Port Vila

Seven dei nomo i stap bifo arivol blong cruise ship long Port Vila.

Wan klin ap i tekem ples long mein wharf wof long Monday wik ia blong preparem ples blong ol mama oli sale long hem.

From we Ports mo Harbour Dipatmen i stopem ol mama blong set ap insaed long eria blong wof, oli bin kat jois blong muv i ko naraside bigfala Market haos.

Be wetem agrimen wetem Municipaliti oli winim spes blong sale aotsaed long mein rod olsem we oli bin stap mekem bifo.

Tete oli spendem taem blong klinim spes we oli kat.

President blong Sikotau mama, Sivi Kora hemi talem se municipality i kivim olgeta VT11,000 permit blong wan mama blong sale long eria blong wan yia, be oli stap negotiate blong praes i ko daon.

“Mifala i kat faev association we mifala i stap yusum blong sale long wof, tis taem mifala i stap klin redi blong Novemba 9 we bai cruise bot i kam,” Mr Kora i talem.

“Mifala i talem thank you long authoriti blong municipal blong mifala save sale long ples ia.”

Mrs Kora i talem se ova 100 mama oli expek blong setap long ples ia.

Ol mama ia oli sowem emosen taem we oli discraepem stragol we oli ko tru long hem long las tu yia i pas, mo oli glad tumas long arivol blong cruise bot bageken.

“Hemia hemi mein sos blong inkam blong plante long mifala ol mama, from fulap long mifala ol mama ia no wok mo skul gud,” Donse Kara i talem.

“Me luk plante taem hemi had blong mi wetem ol pikinini, be me glad naoia we cruise bod i stap kambak mo bae i helpem mi bigwan,” Edna Lauru i talemaot.

“Mi somap ol top afta mi kipiap ol shell long solwata blong somapem, mifala i yusum plante ol local material nomo blong sale.”

Carnival cruise ship we bae i kam hemi tekem ova 1200 turis.

Pacific Encounter i schedule blong leko Brisbane(Australia) blong kasem Port Vila long Novemba 9. Tete National Cruise Tourism Management Committee i mekem anaonsemen ia.

Mo Pacific Adventure bae i sail long Sydney kasem Mystery aelan long Novemba 18, mo bae i kasem Port Vila mo Luganville.

“Ol turis oli laikem Vanuatu wetem ol pipol mo oli luk fowod long dei we bae oli kambak long wan kaontri we i mekem Saot Pacific wan atrativ region blong curise tourism,” Presiden blong Carnival Australia mo P&O Cruises Australia, Marguerite Fitzgerald i talem.

“Mifala i talem tankiu long kavman blong Vanuatu blong putum trast P&O Cruises Australia blong help faenem wan wei blong tekem bak ol cruise ship i kambak long Vanuatu.”

(Visited 627 times, 1 visits today)

About The Author

You might be interested in