Cybercrime kes i ko hed blong inkris

Samples tri kes blong cybercrime we Polis i rikodem long wan wik.

Wetem ol rikod ia, polis i manej blong adresem.

Polis Ofisa blong Cyber Crime, Sergeant Jeff Natapei, i talem se ol top kes we polis i karem evri wik hemi long yus blong social media, we i kat image abuse, threatening, o man i tok nogud long nara man online.

Sergeant Natapei i talem se hemi wan ol taem aktiviti from man hemi filim i had blong expresem hem physicali, so hemi yusum internet.

Mbe hemi talem se wetem niufala cybercrime loa o jenis long Penal Code act, bae i givim olgeta ol stret guideline long hao bai oli save dil wetem ol isu mo kriminal aktiviti online.

Naoia Vanuatu Polis hemi stap wok kolosap wetem Cyber-safety Pacific, blong trenem ol ofisa.

“Save blong yumi long loa ia se hemi niu mo polis tu i stap traem blong bildim ap hem blong traem develop. Polis loa enfosmen  i mas kam antap blong adresem ol rabis fasen ia from plante man i kam viktim blong cybercrime,” Sergeant Natapei i talem.

“Cyber safety pasifika hemi wan regional program, we Kavman blong Australia i fandem tru long Australian Federal Polis mo Pacific Island Chief Polis we vanuatu polis fos hemi wan memba blong hem,

“Mo hemia nao yumi ko tru  long awenes blong investikesen, kolektem evidens mo dil wetem ol kes blong cybercrime.”

Sergeant Natapei i notem se taem oli stap tren olgeta kriminal aktiviti i stap finis long komuniti.