Dilei long Australia mo New Zealand flaet

Ol International flaet seves blong Air Vanuatu i gohed blong dilei folem problem blong Boeing Aircraft blong hem.

Airline hemi askem help blong ol nara airline from ol passenger blong hem mbe ino posible from plante pipol istap travel from Easter Holiday.

Wan steitmen blong Air Vanuatu i talem se oli stap traem blong tekem wan pat i kam long US blong fixim plen ia.

Semfala steitmen i talem se ol pasenja blong hem oli stap insaed long ol hotel we Air Vanuatu i pem.

Semtaem hemi talem se eni pasenger we hemi wantem wan refund bae i kontaktem ofis.

Air Vanuatu i talem se hemi expektem blong dilei ia i tekem tri kasem to fo dei bagegen.