Domestic turisim campaign i no helpem enaf ol turisim operator

Wan turisim operator long Santo i biliv se plan blong leftemap domestic turism bae hem i wan custom stori long aelan blong Santo.

Dave Cross, General Manager blong Beachfront Resorts Limited long Santo, i talem se hem i biliv se domestic turism campaign we Vanuatu Tourism hem i stap mekem hem i gat moa political background long hem.

“Mi honesli biliv se campaign blong domestic turism hem i wan kastom storian,” Mr Cross i talem.

Mr Cross i talem se risen hem i from domestic turism long Santo bae i neva hapen.

“Sins March, mifala i bin gat tu pipol nomo we oli kam in blong fo dei, we yumi save klasifaem olgeta olsem ol dometik turist, we oli bin kam in long Port Vila blong holidei. Hem ia nao hem i ol guest we mifala i bin gat,” Mr Cross i talem.

Hem i talem se domestic turism bae i nosave hapen from ol pipol i nogat mani blong travel. Mo plante long ol turism bisnis oli klos.

Mr Cross i talem se sapos yu lukluk gud plante pipol raon long yu oli neva ko long wan holidei long nara pat blong kaontri olsem we i stap happen long ol ovasi kantri.

“Long Vanuatu hem i kostem wan man VT36,000 blong travel long Port Vila i kam long Santo.”

Hem i talem se yu tokbaot domestic turism long wan kaontri olsem Australia we oli gat 25 million pipol mo oli gat wan bigfala kaontri blong muv araon long hem mo oli gat mani blong travel.

Vanuatu Turism Ofis hem i stap mekem domestik turism marketing campaign blong hem blong stimulatem dimand blong ol lokol turism bisnis. Ofis ia hem i stap promotem everi ofa naoia blong ol lokol turism bisnis we i fri long facebook page blong Vanuatu Tourism.

Mr Cross i talem se long saed blong fiuja blong turism, hem i no belief se bae i gat eni bigfala jenis long turism kasem long nekis yia.

“Bae i no save kambak nomol kasem long end blong nekis yia. So yumi mas tinktink bak long hao yumi manejem bisnis blong yumi. Yumi mas lukluk long ol staff, ol seves mo ol kost. Hem ia hem i everi samting we yumi save mekem.”

Hem i talem se kavman hem i nid blong lukluk wetem kea sam long ol niu program olsem niu bisnis license. Kavman hem i nid blong lukluk long hem ia mo putum off blong tri kasem faev yia blong kivim janis long ol turism bisnis blong rikava.

“Bae hem i tekem fo kasem faev yia blong ol turism binis blong rikava afta long impak blong COVID espeseli long saed blong ol finansiol asset mo ol staff blong olgeta.”

Mr Cross hem i enkarejem ol turism bisnis blong gat wan gud manejmen plan mo askem help long Vanuatu Chamber blong Commerce.

“Sapos yumi mekem olsem bae yumi everiwan i save ko tru long situation ia mo bae yumi kamaot strong long nara end mo wetem wan moa efektif turism sekta.”

 

 

 

 

 

 

 

 

 

 

 

(Visited 232 times, 1 visits today)

About The Author

You might be interested in