Efate rurol i tekem COVID vaccine

Twenti fo pipol i kasem vinis stik meresin blong COVID long vaccine rolaot long Not Efate long eli wik ia.

Target blong Shefa Health anda long Ministry blong health i blong stikim ova long eight thousand pipol long eria ia.

Area Administrator blong Not Efate, Sylvie Watt i talem long VBTC Nius se hemi gud tumas blong luk ol pipol i kam fowod blong tekem vaccine.

Timothy Kalnagis, Representative blong Vaturisu Council long Paunangisu, i talem se evri jif long eria blong Not Efate mo offshore aelan blong hem oli bin akri blong evriwan i mas tekem stik meresin blong COVID blong stap sef.

Hemia from Efate i stap olsem gateway blong ful Vanuatu.

“Mi tink se hemi wan mas blong pipol long Efate i tekem stik meresin ia,” Mr Kalnagis i talem.

“Weta yu kam long Efate blong kam liv o stap smol taem nomo, hemi wan mas blong tekem vaccine from hemi impoten.

“Ol man i mas tinktink se sapos i ko long wan taem we sik ia i kam wos long Port Vila bae hemi wan disasta sapos i spread.

“Yumi nao long Efate i mas help blong preventem from bae i luk nogud tu sapos i ko long nara aelan o provins.”

Mr Kalnagis i talem se taem virus ia i spread, lok daon i hapen mo i afektem seves deliveri.

Manager blong Shefa Health, Obed Manwo, i talem se i kat six mobile health tim we bae i stap long Saupia Health center long Paunangisu blong tu wik.

Hemi talem se sam tim bae oli ko long ol offshore aelan blong Efate.

“Yumi plan blong wan tim i ko long Lelepa mo Moso,” Mr Manwo i talem.

“Wan tim blong taketem ol pipol long Nguna mo Pele; Nara wan long Emao mo tufala nara tim blong sapotem mein station long meinlan Efate.”

I gat wan health tim inkludum tri dokta i beis long Paunagisu olsem main centre blong vaccination long Efate rurol.

 

 

 

 

 

(Visited 130 times, 1 visits today)

About The Author

You might be interested in