Electoral Ofis i kliarem eleksen isu

Electoral Ofis i talem se i nogat eni mistek long foto blong ol candidate long ballox pepa.

Deputy Principal Electoral Ofisa long Electoral Ofis, Gary Tavoa i talem toktok ia folem komplein long moning se sam candidate oli nokat pikja insaed long ol kad blong candidate.

Mr Tavoa i talem se taem oli kasem komplen ia oli jekem printing proses be i nogat eni missing candidate.

“Bifo ol ballox pepa blong ol candidate i ko long print, ol sampol i kamaot, mifala i mas jekem ol foto, apruvum mo bae i jes print,” Mr Tavoa i kliarem.

“Sapos toktok ia i tru bae i kat moa komplen long hem be hemi wan taem nomo. Hemia ia hemi toktok we i nogat pruf blong hem. Mo sapos i kat bae yumi lukluk long hem be i nogat wan ripot nomo.”

Mr Gary i talem se Electoral Ofis i oltaem givim aot awenes blong pipol i rere long electoral mo National ID blong vot.

Hemi talem se pipol i mas honest blong save developem wan roll we i stret.