Supreme Kot i dismisim eleksen petition

Supreme Kot hem i dismisim eleksen petition we Stephen Dorrick Felix i bin putum, olsem wan candidate blong Vanuatu Leaders Pati long Port Vila long Nasonal Eleksen long March.

Supreme Court hemi dismisim kes ia we petitioner, Stephen Felix hemi bin putum long April akensem Prinsipol Electrol Ofisa olsem fes respondent, Deputi Praem Minista mo Minista blong Internal Affairs, Ishmael Kalsakau mo ol MP blong Port Vila, Ralph Regenvanu, Harry Anthony, Natapei Keneth mo Sumptoh Ulrich.

Petitioner, Steven Felix hemi mekem allegation se Prinsipol Electrol Ofisa hemi bin brijim rul we hemi stap insaed long Representation of the People Act long constitution blong hemi alawem man blong vot we nem blong olgeta i no rejista.

Hemi claim tu se olgeta we oli vot oli no bin rejista long Port Vila Consituency, mo alawem ol man blong vot long nem blong difren man

Mr Felix i mekem allegation se MP Natapei hemi bin kolektem 100 electrol card we oli no bin rejista blong vot.

Hemi mekem allegation se MP Urich Sumptoh hemi no bin kwalifae blong stanap long eleksen from hemi gat ol outstanding debt long Port Vila Municipality.

Ol respondent ia oli filem aplikesen blong court i strikem aot court oda blong olgeta from i nogat inaf evidens blong hem.

Court i faenemaot se wetem ol allegation ia i nogat inaf evidens blong sapotem ol pleading blong hem mo hemi dismisim long las wik.

(Visited 154 times, 1 visits today)

You might be interested in