Emae i wantem moa seves blong kavman

Eria Administrata blong Emae i talem se Emae i kivim moa graon blong Kavman i putum ol seves blong hem blong save benefitim ol pipol.

Christopher Matariki i talem toktok long ofisiol opening blong ofis blong eria administrata long Tebakoro vilij long Emae.

Hemi talem ol pipol i wantem tumas se evri seves blong kavman i stap long aelan ia.

Jif John Tivaitinimat, Asisten jif blong Sangava vilij i kivim graon blong hem long Tebakoro eria we niufala ofis blong eria Administrata blog blong Emae i stap long hem.

“Mi kivim extra graon ia blong kavman i putum ol seves long hem,” Jif Tivaitinimata i talem.

Director blong Local Authority, Leith Veremaito, i talem se hemia hemi spirit we oli wantem luk long evri aelan.

Hemi talem se Emae bae hemi stap olsem wan exampol blong evri nara aelan i folem blong pipol i save kat akses long seves blong kavman.

“Tete hemi had blong kavman i acquirem graon blong putum seves long hem,” Mr Leith i talem.

“Emae oli kasem vinis seves blong Education mo health mbe oli stap askem blong gavman i putum seves blong police, yut mo sports, agriculture mo bank.

“Yumi plan blong kat 71 eria administrata bifo en blong yia.

“Mo ol eria administrata blong Sherpherd Outer aelan bae i happen bifo long May.

Ol pipol oli bin welkamem ol kavman ofisiol we i ko daon we director blong Local Authority, Leit Vermaito, nao lidim olgeta mo olgeta blong Shefa Provicial Council long sem taem i bin kat presens blong Minister blong Youth and Sports, Honoroble Willie Pakoa Satearoto mo wife blong hem.

 

(Visited 196 times, 1 visits today)

About The Author

You might be interested in