Epi/Sherpherds COVID vaccination-March

Rolaot blong COVID stik meresin long Epi mo Sherpherds long March.

Obed Manwo, Shefa Public Health i talem se budget blong vaccination long Epi mo Sherpherds hemi ova VT3 million.

Mr Manwo i talem long toktok blong hem long Friday se tu mobile health tim bae i kasem olgeta aelan ia.

“Yumi long Epi mo Sherpherds grup bae yumi expektem blong tekem stik meresin nomo long March,” Mr Manwo i talem.

“Deit mo taem bae mifala i konfemem taem logistics sapot hemi konfem.

Mr Manwo i talem neks wik bae vaccine rolaot i ko hed long Convention Senta.

Hemi talem se bae i kat tu mobile tim bae oli ko aot long ol Ministry, ol institution (Ol franlaen wokman) mo tu ol eria long Port Vila blong givim stik.

“Bae i kat tu mobile tim we yumi schedulem olgeta blong visitim ol eria raon long saot Efate. Bae yumi stat tu blong givim aot ol vaccine raon long ol health fasiliti blong yumi long Port Vila mo long ol rural eria, ” Mr Manwo i talem.

“Long nekis wik bae yumi statem wetem Mele Health senta bae i stat long Monday kasem Thursday. Afta long hemia bae yumi traem blong kat ol voluntia we oli stap long ol health fasiliti wetem ol vaccine.

“Long yumi long Not Efate mo offshoa aelan, bae yumi wok blong staion long Saupia Health senta long Paunangisu, yu we yu no tekem fes mo stik wet long seken dos, prioriti hemi blong yufala ia nao.

Mr Manwo i talem se mobile tim bae i ko aot tu long Efate offshoa aelan blong stik.

Hemi askem sapot blong evri komuniti lida blong helpem ol mobile vaccine tim taem oli kam eria blong olgeta.

“Yumi experiencem presa long ol staff blong yumi, so nid blong yumi ko slo mo no ras from komuniti transmisen,” Mr Manwo i talem.

“Yu no panik, yumi no panik blong hip long grup from bae i kat tim i kam long eria blong yu. Yu stap kwaet long haos, yu sef yet bifo yu kam expos wetem ol nara wan long vaccination site. No ras bae tim bae tim i kam long eria blong yu taem oli kasem schedule plan.”

“Primari fokas long vaccine hemi blong 90 plus percentage we oli tekem ful stik blong COVID-19.  Bosta hemi seken. Mbe yu we no tekem yet seken stik blong COVID, yu mas kam blong tekem from yumi ia nao i stap long primari taget gaol blong sefem komuniti.”

(Visited 971 times, 1 visits today)

About The Author

You might be interested in