Erakor futbol klab i pripea from futbol kompetisen

Ol futbol pleia blong Erakor Futbol Klab oli stap pripea from ol kompetisen we bai i kik off long July.

Hed Koj blong Erakor Golden Star, Noel Benjamin i talem se wetem futbol we bai i stat long nekis manis, i lukim fulap futbol klab i stap statem off olgeta trening vinis from ol kompetisen ia.

Hemi talem se Erakor Futbol Klab i no ko tru long olgeta internal strakja trening yet from oli stap wet long disisen blong miting blong Vanuatu Football Federation long Santo.

Hemi talem se oli save long ol disisen blong Vanuatu Football Federation blong statem ol nomol aktiviti blong futbol afta we oli stopem from situesen blong coronavirus mo social distancing.

“Ol boe oli stap mekem ol smolsmol trening nomo,” Mr Benjamin i talem.

Hemi talem tu se bai emi tekem smol taem blong olgeta pleia oli save kambak gud long olgeta trening.

“Yumi statem trening i ko mo bae yumi jes disaed long wan final tim blong wan kem,” hemi talem.

(Visited 25 times, 1 visits today)

About The Author

You might be interested in