Faev million i spent long repatriation flaet

Kavman hem i spendem araon VT5.6 million long fes steij blong repatriation blong ol Vanuatu citizen mo residen long overseas folem COVID-19 pandemic.

Daerekta blong Dipatment blong Foren Afea, Yvon Basil, i talem se mane ia Kavman hem i spendem nomo long chata flaet we i tekem bak olgeta Vanuatu residen mo citizen we oli stranded long Fiji.

“The only flaet we Kavman blong Vanuatu hem i spendem mani long hem, hem i hem ia we i ripatriatem ol nasonal blong yumi long Fiji. Hem ia we Fiji Airways hem i operetem. Yumi bin arenjem olsem wan chata flaet. Mo cost blong flaet ia hem i araon VT 5.6 million,” Mr Basil i talem.

Fiji flaet ia i bin tekem bak ova 60 pasenja everi wan.

Daerekta Basil i talem se ol nara flaet we i bin kam long Solomon, New Caledonia, Australia mo New Zealand, Kavman blong ol kaontri ia nomo oli fandem flaet ia.

Hem i talem se hem ia i posibol tru long ol negotiation we Kavman blong Vanuatu hemi gat wetem olgeta kaontri ia.

Mr Basil i talem se reason why Air Vanuatu i no save flaem ol repatriates ia hemi from risk asesmen blong Air Vanuatu long saed blong COVID-19 i soem se bae i no posibol blong operet sapos ol kru bae oli ko tu long kwarentin.

“Yumi bin aprojem Air Vanuatu fastaem mo toktok wetem olgeta abaot ol possibilities blong oli save mekem ol repatriation flaet ia,” hem i talem. [attribution on first quote in a string of quotes]

“Mbe Air Vanuatu i respond se oli bin mekem risk asesmen blong olgeta mo oli bin advaesem COVID=19 Advisory Tim se unles ol kru oli exempted long COVID-19 kwarentin rikwaemen ten bae oli save mekem ol flaet sapos no bae i no posibol wetem olgeta blong mekem flaet from bae taem oli kambak oli mas ko long kwarentin so bae i nomo gat man blong operetem ol flaet.”

Long nara nius, Air Vanatu i klem se bae hemi no rifandem ol pipol we oli bin pem olgeta tikit long hem. Mbe oli no bin yusum from ol pasenja flaet oli bin stop.

Airline ia hem i stap alwaem ol eilijibol blong kleim from credit blong travel long fiuja long kes we flaet bae oli no save flae aot from crises ia.

(Visited 38 times, 1 visits today)

You might be interested in