Famili i traehad from kakae mo wota-Efate

Wan famili long Prima, Efate i stap digim banana we graon i berem blong kakae mo stragol blong faenem klin wota blong fidim tri pikinini.

Mama Melanie Henry i talem long VBTC Nius se oli bin aot long evacuation senta long Wan Smol Bag folem advaes se oli mas aot mbe hom environmen i no sef.

Mama ia wetem man blong hem i kat wan 8 yia gel, wan 2 yia boy mo smol bebe we i kat 1 manis.

“Mifala i nogat kakae mo wota, ol banana naoia mifala i pikim ap mo kakae wet long sam help ale save kakae gud; Mifala i stap naoia mifala i stap kakae ol banana ia we i foldaon ia, mifala i traem blong lukaotem mo digim aot long graon from wota i berem. Bae mifala i luk wan stampa pa mi tinkbaot se banana ia nao i stat blong redi mbe pa mi ko mi digim,” Ms Henry i talem.

“Hemia long Pam ia wota ia i no ron tumas mbe hemia tide ia doti tu i fas long haos. Mifala i tinktink blong aot mbe mifala i no faenem wan ples yet blong ko, wan fren blong olfala man i bin talem se ples blong wota, mbe mifala i stap wet long ol daddy blong bebe blong travel blong save pem wan niu graon.

“Mifala i stap yet from no faenem wan ples blong ko long hem yet.”

Ms Henry i talem se akses long klin wota i wan jalenj.

Hemi talem se Saeklon Kevin i mekem wota i ron mo tekem plante doti i ko insaed long haos.

“Mbe mifala i nogat wota, mifala i trae hard blong faenem wota blong drink mo swim baby; Daddy blong hemi i mas tekem wan plastic blong 1.5 ia, wan blong drink mo wan blong swim hem nomo,” Ms Henry i talem.

“Smol bebe blong mi i sik smol olsem i hot long ol pas dei ia mbe naoia i kam gud mbe smol boy we i kat tu yia nomo, i kasem sisit wora we i stap wetem hem blong longtaem nao.”

Famili ia i hop mo pray blong oli kasem sam help long wota mo kakae.