Fes trial blong no kwarentin

Ol pipol we oli kam long ol repatriation flaet long wik ia kasem July bae oli nomo ko long kwarentin.

Olsem fes trial blong openem boda, ol pasenja we oli kam long flaet blong New Caledonia long wik ia oli no ko long kwarentin.

Quarantine Coordinator long Shefa Health, Kali Amera i konfemem se fes flaet blong Noumea long Tuesday wik ia, ol pasenja oli ko stret long ol haos blong olgeta.

Mr Amera i talem se bai oli no spendem tri dei insaed long kwarentin olsem fastaem.

Hemi talem se wetem soft opening ia tu, bai i helpem ol ri-ten wokman blong no spendem eni vatu long hotel o ol kwarentin fasiliti.

Minista blong Health, Bruno Leingkone i bin talem long toktok blong hem taem hemi anaonsem plan ia se soft opening ia hemi wan tinktink we kavman hemi luk fowod long hem.

Minista Leingkone i talem se hemia i blong help preparem Vanuatu blong welkamem ol turis long July.

Kavman i talem se soft opening ia bai i help blong adresem ol isu sapos i gat especiali long saed blong kwarentin.

Air Vanuatu hemi konfemem ol flaet ia we i kam long Noumea long Tuesday ia, tete(Wednesday) Brisbane, Friday hemi Sydney(Australia) mo Satete flaet blong Auckland(New Zealand).

Air Vanuatu i talem se flaet blong Auckland ia i fulap wetem ol Ni-Vanuatu seasonal wokman we oli pat long Recognised Seasonal Employer blong kambak long kaontri.

 

 

(Visited 601 times, 1 visits today)

About The Author

You might be interested in