Fo provins bae i ko tru long provinsiol eleksen

Electoral Ofis i talem se fo provins blong Vanuatu bae i ko tru long provinsiol eleksen long May.

Deputy Principal Electorol Ofisa, Gary Tavoa, i talem se fofala provins ia hem Penama, Malampa, Shefa mo Tafea provins.

Hemi talem se kost blong provinsol eleksen bae kasem samples ova long VT35 million.

“Vanuatu Electoral ofis i stap preparem hem naoia from ol logistik mo operation plan blong provinsol eleksen ia long yia ia,” Mr Tavoa i talem.

“Wan long ol bigfala preparasen naoia hemi ol data mo registrasen blong ol vota insaed long electoral.

“ I kat samples 150 thousand regista vota insaed long 12 constituency long fo provins ia.”

Mr Tavoa i talem se ol provins ia bae oli ko tru long eleksen long sem manis mo semak deit.

“Provincial eleksen long yia ia i tekem almost 150 thousand vota evri wan, yumi stap lukluk long aroan 148 presiden electors,i stap insaed long fofala provins

“Electoral ofis i talem se bae ol vota Oli stil save yusum ol card mo ol National ID long taem blong vot.

Mr Tavoa i talem se ol pipol we oli no regista yet oli save ko luk ofisa long ol provins blong olgeta, blong mekem se nem i save stap long electoral role bifo dei blong vot.

Electrol ofis i askem ol ol party, president blong ol pati mo ol pipol we oli interest blong kontes se oli lisin nomo long ol apdei, bae electoral ofis bae hemi kamaot baeken blong talem wanem deit blong pipol i save aplae blong kontes mo deit blong eleksen mo hemia bae hemi hapen afta long disisn we electoral komisen bae hemi putum.