Founding papa i askem strong ‘No fogetem history’

Wan founding papa mo wan foma politician i askem strong ol yang journalist blong raetem moa abaot Vanuatu history.

Long wan presentation wetem ol yang trainee journalist, Pastor Sethy John Regenvanu i kol long ol futja raeta blong raetem moa stori abaot ol pipol we oli kontribut long histri blong Vanuatu mo rikodem ol stori blong olgeta.

“Mi mi wan long ol amas lida we i stil stap raon mo bae mi no stap toktok oltaem long ol pipol,” Mr Regenvanu i talem.

“Ating bae yufala i talem se yufala i nosave faenem ol impoten buk we i tokbaot mifala, afta bae yu askem se from wanem.

“Mi wantem yufala i fil se oli save kam mo interview mifala we oli liv long ol difren steij blong laef long kaontri mo kat experience blong lidim kaontri ia i ko long independens -mo storian mo raetem abaot mifala.”

78 yia old man ia we i stap raetem ol buk i talem se hemi impoten blong pipol i rid mo talem se i kat ol difren stori we i talem pipol abaot wanem i bin stap hapen long kaontri ia.

Hemi openem presentation blong hem long class taem hemi soem ol wok blong hem we i inkludum buk abaot laef blong hem title ‘Laef Blong Mi’ we hemi raetem long 2004.

Taem hemi point i ko long buk blong hem, hemi talem se i nogat fulap raeta i raet abaot ol impoten pipol long histri blong Vanuatu.

“I nogat fulap long mifala i kat wan laef story olsem we mi kat long plesia,” hemi talem.

“Hemia i minim se ol raeta i no mekem enaf laef experience stori we hemi impoten pat long history. Hemi identiti blong nation ia.”

 

(Visited 32 times, 1 visits today)

About The Author

You might be interested in