Praem Minista blong France, Edouard Philippe i talemaot se wan "Committee of the Signatories" bae i sidaon long next manis disemba 2018 stret long Paris long France.

Praem Minista Edouard Philippe i mekem toktok yestede taem hemi ofisoli visitim Niu Kaledonia.

Praem Minista Philippe i passem day blong hem long Noumea blong mitim ol difren Political Party mo storian wetem olgeta.

Praem Minista Philippe i explenem se France olsem wan long ol Signatory blong "NOUMEA ACCORD" bae hemi mas rispektem ol agrimen ia from hemi no wan arbitrator from hemi mas tekem responsability blong hem olsem wan signatory.

Hemi explenem se insaed long agrimen ia, bae i kat 2 more Referundum yiet long 2020 mo 2022.

Hemi talem se folem ol result we i bin tekem ples long las sandei, hemi taem blong oli toktok wetem ol difren politikol Pati blong luk olsem wanem oli konsiderem ol result ia blong priperem bakeken Referundum blong 2020.

Hemi rimaendem evriwan se FRANCE hemi no stap blong compromise be from hemi wan member blong signatory.