Fri intanet lening website blong ol skul pikinini

Ministry blong Education mo Trening wetem Vodafone Vanuatu i sapotem ol skul pikinini blong kasem save long niu website.

Director General long Ministry blong Education mo Trening, Bergmans Iati, i talem se i gat 34 website blong Ministry blong Education everi wan we ol pikinini i save kat akses long hem blong helpem learning blong olgeta long kaontri.

Hemi talem se naoia wetem COVID-19 pandemic, ol skul pikinini i save stap nomo long haos mo mekem sam skul activiti.

“Hemi wan fri website blong Ministry blong Education mo Training mo hemia i pat long hom skul pakej,” Mr Iati i talem.

“Bae mifala wetem Vodafone Vanuatu i wok kolosap wetem ol skul long kaontri blong setem ap fri website ia.

“Ol program blong edukesen o eni infomesen ol skul pikinini i save kasem long ol website ia.”

Minister blong Education mo Training, Simeon Seule, i talem se plante parents oli stap wari long learning blong ol pikinini folem ol disasta we i afeketem olketa mbe Vodafone Vanuatu i sapotem ol skul pikinini naoia long fri internet blong skul.

Chief Executive Officer blong Vodafone Vanuatu, Barlen Lutchmoodoo, i talem se sekta blong education hemi impoten mo hemi glad blong sapotem Kavman tru long Ministry blong Education mo Training.

“Wetem COVID-19 pandemic mo ol damej we Saeklon Harold i mekem long ol aelan long Not blong Vanuatu, i kat nid blong education i mas kontinu, “ hemi talem.

“Mo long hemi ia Vodafone Vanuatu i komitim hem blong kivim ol skul pikinini fri akses long learning blong olketa online.”

“Ol skul pikinini i save akses long ol website ia long phone, laptop mo ol nara divaes.

Ministry blong Education mo Training wetem Vodafone Vanuatu i makem International Day blong Universal Access long Information we i selebrate evri yia long 28 September wetem anaounsem blong ol website ia long ol olketa user blong Vodafone Vanuatu.

Bigfala toktok blong dei ia hemi konek stret wetem ol jalenj blong yia ia, Akses long infomesen-savem laef, bildim trust mo bringim hop.

Program ia Ministry blong Education mo Training wetem Vanuatu Education Support Program we Kavman blong Australia i fandem.

 

 

(Visited 26 times, 1 visits today)

About The Author

You might be interested in