Gud akses -Polling Station

I nokat gud akses blong ol pipol wetem disability i save exercisem democratic raet blong olgeta long taem blong election.

Chairman blong ol pipol wetem disability long Luganville West Ward, James Packette i talem harem nogud blong hem ia taem hemi faenem i had blong travel long wheelchair blong vot.

“Sapos neks taem bambae yufala i save mekem i akses blong pipol wetem disability hemi fil fri mo enjoy blong vot,” Mr Packette i talem.

“Mo neks taem putum wan akses disabiliti rod o wan smol timba blong i isi long mifala.”

Mr Packette i kol long kavman i mas lukluk long ol polling station we evri man i kat akses long hem long fiuja.

Long semak nius, Presiding Ofisa blong Saint Michelle Polling Station, Agnes Packette i talem se Snap eleksen ia vota turnaot hemi nogud tumas.

“Mi faenemaot se 2.4% nomo oli kam vot. Ol vota oli no tekem vot i no serious.”