Hae awod long Malapoa graduation

Tu studen gel blong yia 12 i winim hae Excellence awod long Malapoa College graduation long eli wik.

I kat Peniella Kenneth long Science mo Rosina Robert long Commerce.

Skul i luksave hardwok mo aotstanding pefomens blong tufala wetem ol tux(Excellence) awod mo wan cash mani blong VT10,000.

Rosina Robert hemi risivim awod from hemi kam first long Economics mo long Development studies mo seken long Accounting mo Geography.

Ms Robert i talem se hemi hapi tumas mo hemi save se ol parens blong hem oli proud from achievement blong hem.

“Taem oli singaotem mi ko antap tudei, mi fil nervous mbe mi filim wan hapi we mi neva experiensem,” Ms Robert i talem.

“Dadi blong mi i stap long Niu Zealand, mbe mi save se hemi hapi tu long achievement blong mi.”

Peniella Kenneth, we i karem tux awod long yia 12 science, i karem recognition folem aotstanding perfomens blong hem.

Hem fes long Physics, Chemistry, Biology mo seken long Earth Science.

Peniella i gat dream blong kam wan dokta wan dei, mo hemi soem strong fokas blong hem tudei wetem ol achievement blong hem.

Taem hemi toktok wetem VBTC, Peniella i expressem plante ol help we hemi risivim blong save kat sakses long yia ia.

“Mi wantem talem tankiu long God from i help givim strength lo mi blong mi save finisim yia ia,”Ms Kenneth i talem.

“Seken mi wantem talem tankiu long dadi wetem mami blong mi from hadwok blong tufala.”

Mama blong Peniella Mrs Griffith Kenneth, i talemaot se hemi glad bigwan se hemi no invest i ko long skul fi blong nating.

“Olsem ol tija oli talem, ol pikinini hemi ol assets blong yumi,” Mrs Kenneth italem.

“Mi hapi from wanem we mitufala (parens) i sowem, mitufala i ripim.”

Principal blong Malapoa College, Shem Simon, i enkarejem ol boys blong mas traem best blong save risivim tu ol kaen awod olsem long ol taem we istap kam.

By Agnes Herbert.

 

 

 

(Visited 2888 times, 1 visits today)

About The Author

You might be interested in