Hae currency from tumas import

Pawa blong Vanuatu Currency, Vatu i mas hae from kaontri i pem ol seves o prodak plante outsaed.

Governor blong Reserve Bank, Simeon Athy i talem toktok ia folem konsen blong ol Seasonal Wokman we oli pat long Labour Mobility long New Zealand mo Australia se mani we i kam insaed hemi smol taem i ko long vatu.

“Plante taem bae ol man oli talem se vatu i strong tumas be hemi gudfala pepes; Vanuatu hemi wan import dependent kaontri. Yumi import tumas. Yumi dipen long ol kakae se bae oli mas kam ovasi nomo. So strong vatu long wan wei hemi blong kwestenem inkris praes we i kam outsaed.

“Sapos vatu hemi weak bae i kat mo inflation(ol samting long store i kam moa sas) long plesia.

Vanuatu hemi gohed blong luk bigfala namba blong ol samting we i kam ovasi bitim hemia we kaontri hemi sendem aot.

Plante seasonal wokman i kol long kavman blong lukluk long reit blong vatu from Labour Mobility olsem i wan scheme we i help plante long economi.

 

 

(Visited 1315 times, 1 visits today)

About The Author

You might be interested in