Hae value long virgin kokonat oil

Malekula i luk value blong wan tonne Virgin kokonat oil hemi VT500,00.

Wan Coconut Oil Produsa mo Trainer long Aelan Experience, Andrew Kevu tru long Aelan experience Vanuatu i talem se value ia i hae bitim copra we hemi VT40,000.

“Copra i bin karem yumi tru long independens mbe wetem ol niu industry we i jesta kamap olsem tourism, Sisenol wok prokram, i mekem ol fama i mas inkrisim prodaksen mo developem copra product blong olgeta blong mitim maket standard,” Mr Kevu i talemaot.

“Praes blong copra i no stabol; ol fama i stap lukluk long sam nara eria. Kavman i kam in tu blong tokbaot diversifae ol kokonat.”

Provinsial Agriculture Ofisa, Hamsen Willie i talem se dipatmen i kam blong helpem mo enkarejem ol kokonat fama blong invest i ko long virgin kokonat oil from value blong hem i mo bigwan long copra long wan maket.

Mr Willie i talem se oli stap mekem ol trening long ol fama mo enkarejem olgeta blong inkrisim prodaksen.

“Taem ol mama i tekem maket blong virgin kokonat oil i kam, oli nosave gud se amas mani nao bae oli tekem,” Wan mama long Aelan Experience i talemaot.

“Mo taem mifala i scalem mo givim mani long olgeta mama ia, mi save talem se smile i kamaot long fes blong olgeta.”

Wetem opotuniti mo ol enkarejmen toktok ia i kam blong helpem ol mama tu long Malekula blong luk benefit blong mekem virgin kokonat oil.

Virgin coconut Oil hemi prodak we plante lokol i stap involv long hem.

By Jamie Brown.

 

 

(Visited 44 times, 1 visits today)

About The Author

You might be interested in