Ministri blong Helt Daerekta Jenerol i saspen

Pablik Seves Komisen i saspendem Daerekta Jenerol blong Ministri blong Helt folem ol alekesen blong mani we i stap akensem hem.

Akting Sekreteri blong Pablik Seves Komisen, Jane Bani, i talem se tri serious alekesen ia akensem Russel Tamata, hemi yus blong wan mani blong wan Local Purchase Oda (Paymen dokumen blong Kavman) we oli bin pem i ko long Majestic Ocean(Vanuatu) long wan amaon blong ova VT9 million.

Tufala nara alekesen hemi brij blong proses blong apruvol blong wan low valiu kavman kontrak we i bin saen blong yus long Vanuatu National Social Polisi stadi blong ova VT9 million. Nambatri alekesen hemi Mr Tamata i bin involv wetem implementation blong VT350 million we i blong 2020 expand infrastructure mo equipment program blong Non-Communicable Disease ( NCD) hub program.

“Public Service Commission i bin kasem wan komplen leta we i kam long Minista blong Health, Silas Bule, we long komplen leta hemi statem sam serious alekesen we hemi stap akensem Darekta Jenerol blong helt, Russel Tamata,” Mrs Bani i talem.

“So folem hemia, wetem nomol proses blong pablik seves akt wetem kontrak blong employmen blong DG i mekem se akting secretary i mas ripotem mata ia i ko long pablik seves komisen mo komisen i lukluk long mata ia mo hemi mekem disisen blong hemi saspendem hem.

Daerekta Jenerol blong Ministri blong Helt, Russel Tamata i konfemem leta blong saspensen we hemi bin risivim long Friday las wik.

Mr Tamata i talem se bae hemi no save mekem eni komen mbe bae hemi jas ansarem ol alekesen we i stap akensem hem.

Pablik Seves Komisen i apointem wan Independen bodi blong mekem investikesen long isu ia blong 21 dei. Mo i tekem seven dei blong Mr Tamata i rispon long hem.

Naoia, Acting Director General blong Ministry blong Helt hemi Dokta Posikai Samuel Tapo.

(Visited 2996 times, 1 visits today)

About The Author

You might be interested in