Hed blong State i askem ol pipol blong prea moa

Head blong State blong Vanuatu i kol blong pipol i prea moa from rabis virus blong coronavirus we i afektem plante kaontri long wol.

His Excellency, Pastor Obed Moses Tallis, i mekem apil ia long opening blong National prea wik long Independence Park long Port Vila long wik ia.

Hemi talem se Vanuatu hemi wan kaontri we i bilt anda long Melanesia traditional value, faith long God mo Christian principol hemia long mama loa, preamble we hemi olsem tri mein pila we i holem nation ia olsem wan strong nation.

“ Bambae yumi everi wan i kontinu blong prea mo mekem faea i laet blong bonem aot virus ia we hemi COVID-19 tru aot long Vanuatu,” His Excellency Pastor Obed Moses i talem.

“Mo mi stap kol long olketa Christian tru aot long kaontri, blong tekem wik ia blong prea blong askem God i sefem Vanuatu long virus ia.

“ Mi wantem rimandem ol pipol long Vanuatu abaot motto blong kaontri, Long God yumi stanap tu.”

Chairman blong Vanuatu Christian Council, Pastor Alan Nafuki, i talem se uniti bitwin ol difren jej long Vanuatu i kam moa strong.

“ Solidariti blong Vanuatu Christian Council i kam moa strong bitim bifo, bifo ol difren jej blong yumi long Vanuatu, yumi tokbaot yumi long ol difren tijing blong yumi, ol doctrine blong yumi,” hemi talem.

“Mbe tete from faith mo biliv blong yumi long Jesus Christ i kam moa strong, mi witnesesm se everi jej mo everi biliva oli kam wan.”

Uniti wik i open long sandei long wiken we i pas wetem wan parade we ova long wan tausen pipol i tekem pat long hem.

Bae i kat ol difren aktiviti long wik ia long Independence Park blong makem uniti, mo bae i klos long Sunday 29 Novemba.

Semak wik blong prea i tekem ples long ol nara provins long kaontri.

 

 

 

 

 

 

 

 

 

(Visited 271 times, 1 visits today)

About The Author

You might be interested in