I mas kat awenes long boda opening

Vaturisu Council blong ol Jif long Efate i askem blong i kat bigfala awenes bifo International boda i open.

Kavman i plan blong openem boda long en blong manis March afta we Ministry blong Health bai i mitim taget blong 80 per cen blong populasen i tekem tugeta stik blong COVID.

Mbe Jeaman blong Vaturisu Council blong ol Jif, Jif Simeon Poilapa, i kwestenem stik meresin blong COVID blong ol pikinini.

Jif Poilapa i wantem kavman i mekem i klia, plan blong hem se Efate nomo i openem boda o ol nara aelan long Vanuatu tu.

“Yumi stap tokbaot laef ia,” Jif Poilapa i talem.

“I nogud yumi tokbaot ol pipol 18 yia i ko antap mbe sapos sik i kam mo i afeketm ol pikinini, wanem bae yumi mekem?

“Sapos i kat eni vaccine blong COVID we i blong ol pikinini, i stap long health blong mekem i klia. Yumi no mas tokbaot level antap nomo mbe tinkbaot futja blong Vanuatu.

“Ol pikinini i mas kat akses long stik meresin blong virus ia blong sefem laef blong olgeta.”

Jif Poilapa i askem kavman blong tinkbaot ol eria ia bifo hemi openem boda.

 

(Visited 164 times, 1 visits today)

About The Author

You might be interested in