I nogat eni COVID ded

Ol health ofisiol i talem se ded long Vila Central Hospital hemi from wan nara sik.

Minister blong Health, Bruno Leingkone i konfemem long National TV tete moning.

“Mi tekem taem ia blong talem se yumi nokat enid ded long COVID,” Minista Leingkone i talem.

“Mi kol long evriwan blong rispektem ol oda mo no pasem ol nius we i no tru. ”

Director General blong Health, Russel Tamata se sik man ia hemi gat wan sik finis long bodi blong hem mo hemi stap admit plante taem vinis long hospital.

Mbe folem niu rul we Emergency dipatemen i putum blong testem eniwan long hospital i mekem se test result blong hem i positive.

Mo hemi bin admit long Vila Central Hospital Isolation ward from sik blong hem ia, mo Thursday naet nao hemi lusum laef blong hem.

Ministry blong Health i talem se hemi semak olsem hemia we i hapen long Santo we i luk wan woman i ded taem hemi admit long Nothern Provincial Hospital.

Beis long ol helt informesen ol pipol we oli kat sik long bodi blong olgeta oli stap olsem ol high risk pesen blong COVID-19.

Naoia i kay 107 pipol we oli kat sik long body mo oli positive long COVID-19.

(Visited 717 times, 1 visits today)

About The Author

You might be interested in