Ifira Sharks i krabem BetBarter Cricket cup

Ifira Sharks hem i krabem cricket cup long faenol blong Betbarter Cricket kompetisen.

Ifira Sharks hem i bin smasem Mighty Efate Panthers wetem 33 runs long faenol maj ia long las wiken mo krabem cup ia.

Olgeta pleia blong Ifira Sharks oli bin hapi tumas taem oli ko blong risivim winning cup ia we Australian High Commissioner hemi bin handem ova iko long olketa.

Long semi-finol maj, tim Ifira Sharks emi bin aot ranem Mele Tafea Bulls long seven runs we emi kwalifaem hem from finol akensem Efate Panthers.

Afta long semi-finol long dei ia, Australian High Commissioner long Vanuatu, Sarah deZoeten emi mekem toss blong final maj bitwin Ifira Sharks mo Efate Panthers.

BetBarter T10 men’s kompetisen emi stap blong five wiks stat long en blong May kasem 13 June mo hem i tekem ples long Port Vila.

Long dei ia i lukim tu olgeta Island Mama’s Cricket oli bin displeim wan short plei blong olgeta sapota oli save wajem.

Men’s T10 cricket kompetisen ia emi bin haelaetem sam long olgeta nasonal cricket pleia insaed long kaontri we oli bin plei long tri difren tim ia we hemi Mighty Efate Panthers, Mele Tafea Bulls mo Ifira Sharks.

Kompetisen emi bin broadcast live truaot long five wik kompetisen ia tru long kaverej blong Vanuatu Broadcasting mo Television Corporation.

(Visited 26 times, 1 visits today)

You might be interested in