Information Communication Technology dei

World Telecommunication and Information Society Day long yia ia i fokas blong ‘Empowerem ol Least Developed kaontri tru long Infomesen mo Communication Technology.

Long Vanuatu event ia bae i tekem ples long Wednesday wik ia long Port Vila.

Evelyn Toa we i toktok long behaf blong Coordination Committee blong 2023 ICT dei event i talem se hemi wan taem blong storian mo pablik i mas ko listen.

“Evri yia, Vanuatu we hemi memba blong International Telecommunication Union raon long Wol, hemi stap makem May 17-18 olsem evri yia blong makem ICT dei we yumi evriwan i save gud long hem, Yumi stap yusum ol telecommunication device; Wanem ia hemi ICT- hemi Information Communication Technology we tete yumi stap yusum yet mo long fuija,” Mrs Toa i talem.

“I kat ol jalenj blong hem i kam. Mo long yia ia, yumi kat wan moa event we hemi impoten blong Vanuatu i selebreit blong lukluk bak long wanem i hapen vinis mo wok blong adresem ol jalenj ia.”

Event ia i kam wetem six difren session.

“Fes session bae hemi wan hae wan wetem topik’ Revolution through Service Delivery using ICT’s; Ol nid we pipol i kat taem oli stap yusum technology long kaontri,” Mrs Toa i talem.

“Bae i kat ol difren panelist we bae oli toktok long taem ia. Seken session, hao nao Digital transfomation i draevem Least Developed kaontri we yumi save gud we Vanuatu i jes mekem wan bigfala laved blong muv aot mo kam long Developed kaontri status. Hemi wan opotuniti blong kam tugeta mo storian. Nara  session hemi Mobilizing & Tracking progress; akses long konektiviti; Yumi harem ol toktok ia i bigwan ia so storian mo tinktink, sherem ol experience taem yumi stap yusum ol internet tete.

“Long haos, yumi ko long kona blong yumi tajem fon mo i nomo kat storian mbe hemi gud blong yumi kam tugeta mo storian.”

World Telecommunication Day i bin selebrete sins May 17 1969 mo makem founding blong International Technology Union mo saen blong fes International Convention long 1865.