Intres blong nation i paramount – Presiden

Olketa Memba blong Palamen oli mas bildim ap nation blong Vanuatu fastaem mo putum intres blong politikol pati behaen.

Hemi toktok blong Presiden blong Vanuatu long opening blong fes ordinary sitting tete morning long Palamen Haos.

His Exellency Moses Obed Tallis i talem se ol prokres mo divelopmen i nosave hapen sapos ol memba blong Palamen i no wok tugeta mo bild long strong foundation.

“Oltaem yufala i mas faenem wan komon interest mo addressem mo hemia i save happen taem yufala i wok tugeta,” hemi talem.

“Mas lukluk long God blong yumi blong save karemaot wanem yumi sapos blong mekem.”

Long sem taem Hed blong State i congratulatem ol niufala Memba blong Palamen mo talem se dei ia hemi wan spesel dei afta long eleksen blong olketa mo tu yia ia i markem 40 yia anniversary blong Independence blong Vanuatu.

“Bigfala hop blong nesen ia i stap wetem yufala ol Memba blong Palamen,” hemi talem.

“Kolosap plante Memba blong Palamen oli ol niu wan mo plante oli bin wok long ol field olsem loa, edukesen, agriculja, medikol mo plante eria we mi kat trust se bae oli save kivhan bigwan long diskasen long Palamen.”

President Tallis i givim aot tu sam mein prioriti blong namba 12th Legislature i wok long hem olsem bildim ap economy we i affek bigwan long disasta blong COVID-19 pandemic, unemploymen mo prodaktifiti, bisnis environment mo kompetisen, climate change, law mo oda, energy, infrastructure, helt, media, human capital development, intergrity land manejmen mo reform, democracy mo gud kavanens mo nara moa.

Spika blong Palemen, Gracien Shadrack i talem tankiu long toktok long Hed blong State tete moning.

Hed blong State i talem tu se las 11th Legislature i bin fesem plante jalens olsem helt, volcano, korapsen mo nara moa.

“Mbe hemi bin tekem jalens ia i kam long palemen haos blong addressem disasta, pem bak ol kaon mo i gat stability,” hemi talem.

“Mo from risen ia mi wantem kongratulatem foma Praem Minista, Charlot Salwai Tabimasmas, long gudfala stabiliti blong manejem bisnis blong Palamen.

Hed blong State i mekem wan minit silence tu blong oli tinkbaot ol nara lida blong Palamen we oli bin lusum laef blong olketa, olketa we oli lusum laef long Saeklon Harold mo olketa we oli lusum laef long ol nara kaontri from COVID-19.

“Kaontri blong yumi I kam long bigfala rod, i kat plante developmen mo i gat jalens mbe yumi mas talem tankiu long God long yia ia 2020,” hemi talem.
“Mi remindem yumi blong mas putum God fastaem long laef.”

I bin kat wan Guard blong Honor tete moning taem Hed blong State i kasem Palamen Haus.

Mo i bin kat olgeta skits, singsing mo kastom danis we i bin happen long taem ia.

 

(Visited 130 times, 1 visits today)

You might be interested in