Investikesen long alleged illegal logging

Kavman i apointem wan grup blong ol pipol blong investiketem alleged illegal logging aktiviti long 2016-19.

Minista blong Justice mo Community Service, Honoroble Esmon Saimon, i talem se wan long ol prioriti blong kavman tete, hemi blong katem mo stopem korapsen long evri level blong societi, wetem Kavman mo ol institution blong hem.

Hemi talem se i kat ol investikesen we Polis i stap andatekem naoia anda long niufala jenis blong Police Act mo ol pipol ia oli pat long hem anda long Act blong Commission blong Inquiry.

Ol grup blong mekem investikesen ia hemi Wille Alick Pakoa, William Nasak olsem jeaman blong commission, Kalkot Mataskelekele olsem Asesa blong commission mo Livo Mele olsem secretary blong commission.

Ol nara fo we oli no bin turn ap from sam impoten isu hemi Albert William, Flora Bani, George Borugu mo Jeff Patanvanu.

Fes Political Advisor blong Ministry blong Justice mo Community Service, Jessy Dick, i talem se period we grup ia bae oli mekem investikesen lem, hemi long yia 2016-2019 we i kat ol alleged illegal logging i tekem ples we ol minista long taem ia oli signem oda blong no katem daon ol wud.

“Ol aktiviti ia i ples long aelan blong Santo, Malekula, Gaua long Banks grup, Maewo mo Pentecost,” hemi talem.

“Mo sapos investikesen i ko hed might bae oli save faenem sam aelan bakeken.

Mr Dick i talem se long November 2019, wan grup blong charitable organisation, Campaign blong Justice, i rilisim wan ripot blong illegal logging long Vanuatu mo faenem se, activiti blong katem daon ol wud i bin tekem ples long period blong 2017 kasem 2019 we hemi no folem loa.

Long ripot blong Campaign blong Jastis ia i soem se blue water mo rosewood logging i bin stap tekem ples long protek eria Vatte conservation long Santo mo faenem sam saspek oli involv olsem ol pablik servant, lan owna mo ol praevaet interest.

Mr Dick i talem se Department blong Forestry i sud explainem wanem i bin hapen long ol alekesen long ripot ia mo wanem ol aksen oli bin tekem mo sapos oli save providem wan ripot wetem ol statistic evidens se i nokat harvest blong Blue water Timber i hapen.

Campaign blong Jastis ripot ia i mekem alekesen se ol Chinese trader oli bin katem ol wud long Santo mo bin stap expotem timba i ko long Solomon Islands wetem wan permit blong Minister blong Agriculture blong 2017.

Mr Dick i talem se Department risponsibol long Forest i mas explainem se weta ol chinese timba trader oli bin karem permisen blong tekem timba mo weta dipatmen i bin tracem ol expot timba i ko long China mainland o eni ovasea expot.

Hemi talem se ” From hemia wan rikwest i kam long kavman blong apointem wan grup blong mekem investikesen.

” Ripot ia hemi limit nomo from Campaign blong Justice i yusum nomo Environment Protection mo Conservation Act mo hemi nokat pawa blong yusum ol nara akt.”

“Mbe wan bigfala pat blong alleged illegal aktiviti ia i brichim Act blong Forestry,” hemi talem.

“Ol pawa olsem forestry, Labour o Employment mo Vanuatu Investment mo Promotion Authority Act.

“Mo hemia nao, wok blong grup ia i blong finisim gud wok we Campaign blong Justice i bin mekem.”

Minister blong Justice mo Community Service, Honoroble Esmon Saimon, i talem se ol investikesen ia i mas vinis kwik taem.

“Yufala i stap tete blong statem wan wok we kavman blong tete i wantem se i vinis ariap mo i kat wan taem frame blong tri manis blong vinisim wok ia,” hemi talem.

“Kavman i wantem se mi olsem minista blong Justice mo Minister blong Finance mo Economic Management i mas tablem ripot ia long Palamen long fes haf blong yia ia 2021.

“Kavman i kat trast long yufala blong mekem wok ia mo hemia nao mi apointem yufala.”

Ol swearing blong oath ia, Commissioner blong Oath, Tom Bethuel, nao i kondaktem long presens blong Minister Saimon, Acting Director General blong Ministry blong Justice mo Community Service, Johnny Marango.