Investikesen long COVID-19 outbrek

Kavman i talem se investigesen bae i hapen blong faenem ol pipol we oli karem COVID-19 i kam long komuniti.

Prime Minista, Honoroble Bob Loughman, i talem toktok ia long National Adress blong hem long Wednesday moning.

Prime Minista Loughman i talem se bae Kavman hemi mekem sua se investigesen ia bai hemi go hed.

“Olgeta we oli impliketem long spread blong sik ia, bambae i kat wan ful investikesen long hem blong ditamaenem wan aksen yumi nid blong tekem akensem olgeta,” Prime Minista Loughman i talem.

“Mo kavman i wet long ful ripot blong investikesen.”

Prime Minista Loughman i talem se wanem we i stap naoia hemi blong evri pipol i help blong stopem spred blong virus.

Hemi askem evri pipol long Nation blong oli wetem kavman  mo espeseli long ol health advaes we i stap kamaot.

Hemia blong helpem helt i save kontainem virus blong COVID-19 mo semtime complitim conduct tracing.

“Long situasen olsem yumi nidim evri wan blong no panik mbe helpem nara man,” Prime Minista Loughman i talem.

“Plante man bambae oli panik, plante oli wantem tekem loa long hand blong olgeta, plis rimemba se long situasen olsm, yumi nidim cooperation blong yumi evri wan.Yumi helpem yumi blong no panik, help blong no karem loa long hand blong yumi, plis rimemba se long situasen olsem, yumi nidim cooperation blong yumi evri wan. ”

“Olsem prime Minista mi wantem enkarejem, ol gud citizen blong kaontri ia blong putum fokas blong yumi long God olsem long motto we i talem se long God yumi stanap, taem yumi putum fokas blong yumi long hem, bambae yumi no fraet mo panik, olsem wan christian kaontri yumi sud putum fokas long prea from protektion blong hae God.

Long oltaem olsem ia, yumi nid blong wok tugeta mo rispektem olgeta instraksen we i kam long ol otoriti, stronli apil long ol jif mo ol jej lida mo wok tugeta wetem kavman blong adresem sik, tankiu long ol prea long las tu yia kasem tete.

“Evri wan i rikwai blong stap kwaet long haos mo pratisim hygience, werem mask, mo folem advaes we i kam long ministry blong health. Mi save se i kat fulap storian mo critisisim long social media abaot kavman, folem situasen blong komuniti transmissen, wanem hemi impoten hemi blong save se human being i kat felia blong hem, system bambae i brok daon mo proses bambae i wik, mbe hemia i no en blong rod.

Mi apil long saot kasem not blong lukluk long wan long olgeta critisim ia olsem wan stepping ston blong yumi wokbaot long hem mo adresem situasen.

“Long oltaem olsem ia, yumi nid blong wok tugeta mo rispektem olgeta instraksen we i kam long ol otoriti, stronli apil jif mo jej lida blong wok tugeta wetem kavman blong adresem sik, talem tankiu tankiu prea long las tu yia kasem tete.

Prime Minista Loughman i talem se ol jenis long Public Health act i mekem se Minista blong Health nao i stap anaonsem ol health emergency.

(Visited 1051 times, 1 visits today)

About The Author

You might be interested in