Jalenj long wok blong ol boda ofisa

Customs Department i talem se ol boda ofisa i no save arestem eni ship  from risk blong COVID-19.

Director blong Customs, Harold Tarosa, i talem se, “ Wan mein samting we hemi wan key jalenj long everi administration long region mo long Vanuatu hemi isu blong bodem ol ship sapos oli enterem Vanuatu mo ol nara pasifik kaontri.”

“Yumi save mekem everi profiling blong yumi, mo kat wan target base long ol key infomesen we bae yumi wok wetem mbe taem i kam long isu blong boarding hemi wan nara jalenj we i stap,” hemi talem.

“Mo everi administration long region long ol diskasen, oli serem semak had taem long hao yumi kat wan target afta weta o no ol boda ofisa oli save bodem vessel, oli searchem vessel even sapos i nid blong oli ko daon blong mekem sam arrest hemi had.”

Mr Tarosa i talem se ol boda ofisa oli save mekem wok nomo taem i gat wan secure arenjmen we i minim se eni port we ship o sailing bot ia I bin leko i sef long COVID-19.

“Mo hem ia yumi save jekem ship o sailing bot,” hemi talem.

“Long kes blong wan yacht we i bin ko sho long Tanna i no longtaem i pas, mifala i bin infomem ol nara pasifik kaontri blong oli wajem muvmen blong yacht ia.

“Customs hemi stap wok folem protocol blong COVID-19 se eni ship we i kam long Vanuatu hemi mas givim arrival notis blong hem.

“Long taem naoia, Port Vila hemi only port blong entry blong Vanuatu.”

Prime Minister, Bob Loughman i askem ol pipol blong Vanuatu blong no mas ko kolosap long eni ship o sailing bot we i kam ovasea.

“Mi olsem Prime Minister, mi wantem rimaendem yumi everi wan stat long Torres kasem Aneityum blong no mas kat kontak wetem ol yacht o ol ship we oli kam outsaed long kaontri mo oltaem mas ripotem i kam long kavman blong oli dil wetem sapos yu luk wan i kam long aelan blong yu,” hemi talem.

Palamen i bin pasem National Security Council bill blong helpem wok blong ol boda i kam moa strong long futja.

 

 

 

 

 

 

 

 

(Visited 94 times, 1 visits today)

About The Author

You might be interested in