Kavman blong Australia bae i pus blong riopenem domestik boda

Praem Minista Scott Morrison bae hem i stresem nid blong karemaot red tep long ol bigfala rod mo rail projek mo riopenem ol boda blong hem long nasonal cabinet miting long tedei wetem ol stet mo terotri lida, 9News i ripotem.

Nasonal Cabinet Miting blong Australia ia bae i mit blong lukluk long ol isiu we oli stap holem taet ol infrastrakja bilding olsem pat blong pus blong kavman blong leftemap namba blong wok taem bae pandemic ia i vinis.

Isiu blong klosa blong ol boda hem i kie isiu we i stap kosem tensen naoia bitwin federal coalition mo state kavman blong Australia.

Queensland Labor kavman hem i stap kontinu blong holem taet presa blong federal, mbe klosa blong ol boda hem i stap nomo long WA, SA, Tasmania mo NT.

Teretori kavman hem i idikeitem vinis se hem i stap long faenol steij bifo ol boda long Australia oli riopen bakeken long domestik turism.

Treasurer Josh Frydenberg hem i mekem wan rikwes i ko long ol state olsem Queensland blong stanap strong yet.

“Klosa blong ol boda i kostem ol wok. I nogat klia medikol risen from wanem ol domestik boda ia oli sud klos i stap,” hem i talem long ol ripota.

Ol rul bae oli stap tu anda long konsidareisen blong nasonal cabinet, inkludum ol rul raon long indor kataring mo hao ol airline oli operet.

Akui blong Mr Morrison long prokres blong slakem daon ol rul hem i bin sloa daon taem Black Lives Matter protes hem i no bin folem ol advaes blong helt long saed blong ol bigfala kataring.

Wan man we i bin pat long rali long las wiken long Melbourne hem i bin tested positif long sik ia mbe bae hem i save tekem plante wik blong talem se ol nrafala pipol we oli bin tekem pat olgeta tu i infekted.

Praem Minista Morrison hem i askem strong long ol otoriti blong arestem mo jajem ol pipol we oli atendem eni protes long fiuja.

Man we hem i bin tes positif long coronavirus hem i wan long ol eight niu kes long Victoria, we oli rikodem long Thursday. Ol narafala kes oli kamaot long Queensland.

(Visited 13 times, 1 visits today)

About The Author

You might be interested in