Kavman blong Australia i sapotem bilding blong labour

Kavman blong Australia i givim VT 65 million blong bildim niu ofis blong Labour Department.

High Komisina blong Australia long Vanuatu, Sarah deZoeten, i talem se help ia hemi wan impoten partnership bitwin Australia mo Vanuatu long saed blong scheme blong labour mobility.

Hemi talem se “Labour mobility hemi wan gudfala exampol bitwin Australia mo Vanuatu from hemi impruvum societi mo economic blong Australia mo tu Vanuatu.”

“ Hemi wan gudfala exampol blong ol pipol from oli muv insaed long tufala kaontri blong Australia mo New Zealand,” Mrs deZoetan i talem.

“Mo niu bilding ia hemi sympolisem program ia.

Commissioner blong Labour, Murielle Metsan Meltenoven, i talem se niu ofis ia bae i tekem in ol prioriti blong laba long ol difren wok we hemi stap mekem.

Hemi talem se tender proses i ko hed vinis mo konstraksen wok bae i stat i no longtaem.

“ Bae i kat wan bigfala rum blong yumi save yusum long taem blong ol pre-depature briefing blong ol seasonal wokman,” Mrs Meltenoven i talem.

“ Mo even yumi save kondaktem ol miting olsem employmen tribunal mo ol nara miting from ofis spes we yumi stap yusum long town i nosave hostem ol miting ia.”

” Mi talem tankiu bigwan long sapot we Kavman blong Australia i givim.”

Commissioner Meltenoven i talem se dipatmen blong hem bai i muv i ko long niufala bilding ia long nekis yia.

Hemi wan milestone long history blong Labour depatment sins long establishmen blong hem blong gat wan niu bilding ofis blong hem wan.

 

(Visited 26 times, 1 visits today)

About The Author

You might be interested in