Kavman blong invest long prodaksen blong root crop

Ministry blong Agriculture bambae i spendem araon one hundred Million vatu, blong leftemap prodaksen blong root crop.

Director General blong Ministry blong Agriculture, Moses Amos, i talem se i posibol blong kat problem blong food security sapos ol province i no rere blong planem ol root crop folem COVID-19 lock daon mo hemia ol provins oli mas pripea from.

Hemi talem se mani ia bae i go tuwods ol root crop mo bambae oli spendem blong tri yia.

“ Bambae yumi spendem up to VT one hundred million 500 thousand vatu mo divaedem bitwin tri yia yumi spendem about 33 million vatu everi yia,” Mr Amos i talem.

“Total prodaksen we oli wandem achivim long nekis tri yia hemi 14,400 tonne blong root crop.

“ Root crops ya yumi spredem tru aot long provinces stat long Torba kasem long Tafea.”

Director General Amos i talem se Agriculture i lukluk tu long ol expot crop olsem rice produs long Tanna, kava, cocoa mo coffee.

“Wanem yumi mekem hemi blong yumi produsum seedling blong olgeta mo yumi kivim aot fri i go long ol fama blong yumi,” hemi talem.

Aot long VT 1 billion vatu we kavman i kivim i go long prodaktiv sekta, ova long VT 600 million i ko long Ministry blong Agriculture mo araon  VT 400 million i go long Ministry blong Trades.

Ministry blong Agriculture i plan blong divaedem VT 600 million ia nao blong yusum long trifala yia we i stap kam.

(Visited 13 times, 1 visits today)

About The Author

You might be interested in