Kavman i askem pipol blong pat long ol repatriation flaet

Kavman i askem ol sitisen mo ol residens we oli stap ova sea mo wantem kambak blong mas link ap wetem ol flaet blong Air Vanuatu.

Len Tarivonda, Spokespersen blong COVID-19 i talem se olketa pipol we oli stap wantem kambak long Vanuatu oli mas kam long ol airpot olsem long Brisbane,  Australia, Auckland long New Zealand mo Nadi long Fiji we Air Vanuatu i stap fly i ko long hem blong save bodem ol flaet.

Hemi talem se olketa pipol ia oli mas pem own fare blong olketa blong mekem ol wei aot long kaontri we oli stap long hem.

“Kavman i klad blong givim prioriti long National Airline blong Vanuatu blong hemi save mekem ol flaet ia long manis September kasem en blong yia ia,” Mr Tarivonda i talem.

“Folem plan we kavman i kat long seken phase blong repatriation ia, i gat lukluk blong yusem nomo Air Vanuatu blong mekem ol repatriation flaet ia.

“Kavman bae i pem kwarentin kost blong ol citizen mo studen blong Vanuatu mbe ol permanent residen wetem ol nara pipol we oli kam insaed long kaontri wetem wan spesel categori visa blong mekem bisnis, kavman i askem olketa blong pem own kwarentin blong olketa.”

COVID-19 spokespersen i talem se i kat ova 100 pipol i stap naioa long kwarentin long Port Vila.

Mr Tarivonda i talem se olketa 123 pipol ia oli kam long Brisbane, Australia long wiken ia.

Hemi talem se bae i gat wan moa repatriation flaet long ol dei i kam wetem sam moa pipol.

“Long tasdei wik ia, bae i kat wan moa flaet we bae i kam long Noumea,mo luk olsem i kat 17 national we oli redi blong kambak mo bambae i kat tu jata flaet blong ol Recognised Seasonal Employee Ni-Vanuatu wokman we bae i hapen long Friday ia mo Sunday.

Air Vanuatu i kat 162 seat long plane.

 

 

(Visited 42 times, 1 visits today)

About The Author

You might be interested in