Kavman i luksave seves blong Ifira

Head blong State i awodem ova 80 pipol blong Ifira folem seves blong olketa long Vanuatu.

His Excellency, Pastor Obed Moses Tallis, i talem se blong Vanuatu i kasem independens blong hem, plante pipol blong Ifira oli bin pat blong tokbaot impotens blong tekem fridom ia.

Hemi talem se “ Man Ifira i tokbaot festaem Independens bifo Presbyterian Church i tokbaot long assembly blong hem long 1974 long Isangel, Tanna.”

“ Hemia nao i mekem se fulap long ol olfala ia oli bin kam ol nurse, ol polis man mo ol tija mo oli kontribute bikwan blong mekem Vanuatu i karem independence,” President Tallis i talem.

“Sam long ol kontribusen we ol pipol ia oli mekem i hapen long developmen blong New Hebrides mekem se divelopmen i kam antap wetem ol risos.

“ Mo plante long ol stori ia plante pikinini i nosave mo oli nid blong save mo hemia nao mein tinktink behaed long ol medal ia hemi blong kavman i luk saveh  mo talem tankiu long ol olfala lida insaed long komuniti blong luksave wok we oli bin mekem blong helpem kaontri.”

Sam mein man we oli risivim medol blong rikognisen hemi foma Prime Minister,  Barak Tame Sope Ma’autamate, foma State Minister, Steven Kalsakau, Director General blong Ifira Stevedoring, Kalpovi Mangawai mo ol nara big man mo woman bakeken.

Sam long ol medal we Hed blong Steit i hangem long olketa pipol ia hemi blong  40 yia Independence anivesari.

 

(Visited 14 times, 1 visits today)

About The Author

You might be interested in