Kavman i mas luksave performens blong ol yangfala long sport.
Lord Mayor blong Port Vila City, Erick Puyo Festa Pipol i talem toktok ia long las sign blong las phase blong Freshwota stadium mo talem plante yangfala i involve long football long Vanuatu Football Federation mo kavman i mas luksave olketa.
Hemi mekem exempol long football academy long Teouma se Vanuatu Football Association i mas kontinu blong developem ol jampion long kaontri long ol sport faciliti ia.
“I kat fulap long ol yangfala football player we oli interest blong plei mbe federation blong football i mas fainem wan wei blong holem taet olgeta i stap mo trenem olgeta,” Mr Festa i talem.
“Long semak taem mi talem thankiu long tufala join kontracta blong Ninane Construction mo Arom Limited from spes oli save mekem long mein grandstand blong ol pipol wetem disabiliti blong oli kat wan permenant ples blong save staon mo wajem ol live football match.
“Mi save se hemi dream blong FIFA tu blong mekem hemia mo mi glad tumas blong luk.”
Mr Puyo i talem se spes blong ol disability long mein grand stand ia hemi long foret wei mo bai oli kat ol own wheel chair blong olgeta blong save staon mo enjoyem kem.