Kavman i nidim sapot blong adresem ol isu long internet

Computer Emergency Response Tim i talem se, Kavman i nidim ol pipol blong wok tugeta blong save adresem ol isu blong cyber security long Vanuatu.

Deputy Chief Information Officer blong Computer Emergency Response Tim, John Jack, i talem se kavman i no save adresem ol isu blong internet hem wan long kaontri.

National Cyber Security Strategy hemi wan plan blong kavman blong traem blong setem sam prioriti long olketa aksen blong kontrolem o stopem ol fasin we i luk man i stap yusum internet blong spolem or stilim nara man.

Mr Jack i talem se, from risen ia nao fes aweanes sesen abaot plan ia i tekem ples long Luganville, Santo.

Hem i talem se olketa aweanes ia hemi blong mekem pablik i save long tinktink blong kavman blong protektem olketa man mo woman mo olketa yut grup blong Vanuatu.

“Plan ia i kam blong helpem ol pipol blong traem helpem olketa we oli afek bigwan long internet,” Mr Jack i talem.

“National Cyber Security Strategy hemi wan longfala proses be bambae i nidim koperesen blong evriwan long ol komuniti.

“National cyber security plan i kat plante wok blong wok long hem, mo i kat six prioriti long ples ia blong adresem, mo hop mo biliv blong mifala long wokbaot ia se taem yumi vinisim everi aweanes mo kam ap wetem aim blong plan ia, bae yumi save adresem ol isiu blong cyber beis long ol prioriti ia.”

Mr John i talem se long taem blong aweanes ia maet i kat sam moa tinktink i kam long ol lida blong komuniti mo even kavman i raisem bakeken mo hem ia nao yumi nid blong faenalisem draft ia mo mekem i wok.

Fes sesen blong cyber security aweanes ia, i bin taketem polis wetem ol seves blong kavman long Luganville, ol lida long komuniti, ol Area Administrator mo Secretary long rural Sanma Province.

 

 

(Visited 29 times, 1 visits today)

About The Author

You might be interested in