Kavman i putum fokas long agriculture

Hed blong Kavman i talem se fokas blong hem naoia hemi blong bildim sekta blong agriculture.

Prime Minister, Bob Loughman, i talem toktok ia long visit blong hem i ko long ol komuniti long aelan blong Malekula mo talem se Malekula mo Santo tufala i kat bigfala eria blong land blong save draevem sekta blong agrikalja i ko foret folem COVID-19 pandamic.

Hemi talem se, “Kavman hemi tanem prioriti blong hem i ko long agriculture folem sik blong COVID-19 i mekem se kavman i no save depen long ol help ova sea oltaem.”

“Ol apu blong yumi oli bin talem taem oli tekem independence blong yumi, ol apu blong yumi ol neva talem se bae oli tekem mani long citizenship, topik ia i nokat long tinktink blong olgeta nomo,” Prime Minista Loughman i talem.

“Ol apu long bifo oli luk nomo copra, cocoa, buluk, kava mo fish blong olketa mo afta askem fridom mo hemia nao kavman hemi disaed blong putum moa mani i ko long agriculture wetem trades.

“Mo yumi plan se agriculture i produsum ol lokol kakae mo yumi storem long nekis saeklon we i bae i kam.

Prime Minister Loughman i enkarejem ol mama mo papa blong ol skul pikinini we hemi visitim blong luksave wei blong growem ekonomi.

“Rod, wharf mo airpot hemi olketa infrastructure we bae i helpem prodaktiv sekta we kavman hemi tokbaot,” hemi talem.

“Plante long ol prodak we i kam mo ko aot long Malakula i pas tru long Litzlitz wharf.

“Kavman i plan tu blong aloketem ova VT1 billion i ko tuwods, upgred blong runway, fens mo niufala terminal blong Norsup Airpot folem agrimen blong ol lan owna.

Prime Minister Loughman i talem se projek blong Norsup Airpot bae i stat kwiktaem afta we Palamen bae i pasem mani blong hem long seken ordinary sitting blong hem long November.

(Visited 179 times, 1 visits today)

About The Author

You might be interested in