Kavman i sapotem ol fama

Kavman i givim ol akrikalja mo fishing tul i ko long ol fama blong Malampa, Sanma mo Penama blong inkrisim lokol prodaksen i no longtaem.

Ministry blong Agriculture i go araon long trifala provins ia blong handem ova ol fanis, ol tul blong huk, ol seed blong agrikalja crop mo tractor i ko long ol Area Council blong tri provins ia.

Allan Simeon long Ministry blong Agriculture, i talem se olgeta item ia EDF11 i fandem wetem cost blong VT497 million.

“Kavman i stap kol long olgeta ofisa blong kat fair distribution long ol item i ko long ol fama,” Mr Simeon i talem.

“Yumi foldaon long wan nara jalenj blong COVID-19 e mekem se plante long ol narafala Non-food item(NFIs) we yumi stap impotem i kat dilei blong kasem Vanuatu.

“Dilei ia i afektem timing we i bin stap blong distributem long olgeta komuniti.

“Malekula i stap yet blong Ministry blong agriculture emi handem ova ol equipmen i ko long hem.”

Memba blong Palemen blong Ambrym mo Minista blong Climate Change, Honoroble Bruno Leingkone, i kol long pipol blong Ambrym blong mekem yus long ol tul ia mo inkrisim agrikalja sekta.

“Long wei ia bambae i inkrisim expot blong lokol kakae,” Minista Leingkone i talem.

Handing ova i stat long Ambrym, folem i ko long Penticost mo long Santo

Olgeta ofisa risponsibol long distribution blong equipmen oli talem tankio long kavman.

 

 

 

 

(Visited 224 times, 1 visits today)

About The Author

You might be interested in