Kavman i spendem bigfala mani long kwarentin

Kavman i expek blong spendem ova VT 50 million long olgeta pipol we oli go tru long kwarentin.

Director blong Climate Change, Esline Bule i talem se”Hemia hemi cost blong ol hotel we yumi stap kipim olgeta long hem mo kakae we oli stap kakae.”

Be Spokespersen blong COVID-19 long kaontri, Len Tarivonda i talem se ol hotel i shud jajem wan long olgeta we oli repatriate VT 8000 long wan naet.

Hem i talem se hemia i mekem kavman bai i spendem ova VT 100 million long olgeta 1528 stranded citizens mo residen we oli repatriate i kam bak long fes phase ia.

“Blong kwarentinim ol pipol ia hemi wan sas exerces,” Len Tarivonda i talem.

” Kavman i bin spendem ova VT 13 million long olketa fes 61 pipol we oli bin kwarentin long manis April ia.

“Mo kavman i expectem blong spendem millions blong Vatu bakeken long kwarentin blong seken phase blong repatriation long manis August.”