Kavman i talem se mango projek bae i helpem Vanuatu

Minister blong Internal Affairs i talem se, mango pilot projek long Australia we ol seasonal wokman blong Vanuatu i pat long hem bai i binifitim ol pipol blong kaontri.

Alatoi Ismael Kalsakau i talem se qualiti lidasip mo wokmanship we ol wokman blong Vanuatu i prisentem long Australia i pulum interest blong fulap fama long Australia mo bae i helpem Vanuatu.

Hemi talem se projek ia tu bae i binifitim Kavman blong Australia.

Commissioner blong Labour, Murielle Metsan Meltenoven i talem se, COVID-19 pandemic hemi wan jalenj taem we kaontri i stap fesem naioa.

Hemi talem se, economic blong Vanuatu hemi afek bigwan long sik ia mo yumi stap lukim long domestic maket especiali long saed blong wok, plante pipol i lusum ol wok blong olketa vinis.

“Blong sapot, Kavman blong Australia i ofarem projek ia mo yumi putum i availabol long ol Ni-Vanuatu, “ Mrs Meltenoven i talem.

“Kavman i bin priperem hem blong letem olgeta wokman i save se kavman wetem help blong ol developmen patna bai i putum aot ol opotuniti mbe i no fosem olgeta blong pat long program.

“ Blong asurem olketa wokman mo spesel wan nao ol famili blong olketa se hemi own wil mo choice blong wan wan wokman blong pat long program ia.”

Joseph Malieke, wan seasonal wokman we i ko long Australia six yia vinis i talem se, “fulap wokman ia oli nokat wok mo program ia bae i helpem bigwan mifala wetem ol family blong mifala.”

Hemi talem se, hemi biliv mo trastem tim olsem olketa ambassador we bae oli ripresentem Vanuatu long ol difren fam long Northern Territory blong Australia.

Annie Kintor, wan nara wokman i talem se oli bin fraet long sik ia tumas mbe laki we Vanuatu hemi wan COVID-19 fri nesen.

Hemi talem se sam pat long Australia i kat virus ia long hem, mbe long briefing blong olketa bifo oli leko kaontri, ol othoriti i bin toktok bigwan long saed blong COVID-19 ia mo oli jes fil kamfotabol mo understanem kud situasen we i stap naioa.

Commissioner blong Labour, Mrs Meltenoven, i talem se olgeta 162 seasonal wokman we i ko pikimap mango long Australia, oli mas complae wetem wan agrimen we oli saenem wetem kavman.

Hemi talem se, agrimen ia i inkludim wanem bae i hapen sapos oli kasem sik blong Coronavirus.

“ Hemi impoten blong ol wokman we oli stap ko aot blong pat long mango pilot projek, oli understandem risk we wan kaontri olsem Australia i stap fesem wetem sik ia Coronavirus,” Mrs Meltenoven i talem.

Australian High Commission long Vanuatu tugeta wetem kavman i bin organisim wan seremoni blong talem tata long ol wokman ia mo tu blong talem tankiu long ol wokman ia blong save pat long program ia.

Olgeta wokman ia oli leko kaontri tete eli morning blong ko long Darwin, Australia.

 

 

(Visited 1147 times, 1 visits today)

About The Author

You might be interested in