Kavman ofis long tri provins i klos

Public Service Commission i putum aot notis blong ol Kavman Dipatmen long Malampa, Shefa mo Tafea i klosem ofis folem rabis weta.

Jeaman blong Public Service Commission, Simil Johnson, i talem se ol dipatmen ia i mas klos blong putum gud ol propeti blong Kavman i stap long ol sef ples.

Mr Johnson i talem se ol ofis ia i mas klos kasem taem we weta i kambak gud bakegen.

“Commission i putum aot komunikesen i ko aot long ol ofisiol long Malampa, Shefa mo Tafea folem tropikol low ia,”

“Ol ofis i mas klos mo ol kavman ofisa ia i lukaotem gud ol propeti blong kavman long ol aelan. Sapos situasen i ko daon wok i save ko hed bageken.

“Notis ia i beis long konsaltesen we yumi kat wetem Meteo Dipatmen blong tri provins ia i klosem ol ofis mo no opereit.”

Mr Johnson i talem se i no evri kavman dipatmen i klos from i kat sam oli provaedem essential seves mo i wan mas blong opereit. Ol ofis ia hemi Weta Ofis, Vila Central Hospital, Polis mo Media.

(Visited 121 times, 1 visits today)

About The Author

You might be interested in