Kol blong aotem citizenship jeaman

Opposition i kol long Kavman blong sakem aot Jeaman blong Citizenship folem apointmen blong wan international kampani blong impruvum Citizenship program.

Konsen ia i reis folem disisen we Ronald Warsal i bin tekem blong saenem agrimen wetem International Firm CS Global witaot propa apruvol blong Council blong ol Minista.

“Mi kol long Prime Minista blong sakem Jeaman blong Citizenship Ronald Warsal from breach long leadership code mo felia blong mekem eni positiv jens long citizenship program we hemi mekem se yumi en ap long situation we yumi stap long hem naoia, we European Union i stap tingting blong karem aot visa waiver benefit we yumi kat wetem olgeta longtaem, mo hemi mein resen from wanem ol man oli stap pem citizenship blong Vanuatu,” Lida blong Opposition, Honoroble Ralph Regenvanu i talem.

Long wan rispon Prime Minista, Honoroble Bob Loughman hemi talem se isu blong hem, mbe hemi no save talem.

“Hemia hemi mata blong Prime Minista mo bai mi nosave rivealim long pablik,” Prime Minista Bob Loughman i talem.

Prime Minista Loughman i bin rilisim wan statemen long en blong January mo konfemem se wok wetem international firm CS Global bae hemi nosave ko hed.

“Agrimen wetem CS Global we jeaman blong Citizneship i saenem i nosave implemen from naoia we i stap hemi no kat endorsmen blong Council blong ol Minista.” Prime Minista Loughman i steitem.

(Visited 1585 times, 1 visits today)

About The Author

You might be interested in