Kol blong impruvum eli disasta mesej

Wan Memba blong Palemen blong Tanna Constituency i mekem kol blong Public Service Commission i rikruitum ol wokman we oli kat plante save long weta mo klaemet blong givim eli infomesen.

Honoroble Jotham Napat we hemi bin Foma Director General blong Ministry blong Climate Change i askem Kavman blong rikruitum ol pipol long ol ki posisen blong National Disaster Management Ofis mo Vanuatu Meteorology mo Geo-Hazards Dipatmen blong oli save olsem wanem blong tekem disisen mo adresem ol disasta we i afektem Vanuatu long wan fasen we i kwik blong sefem laef.

Mr Napat i talem i kleim se samples fo disasta we i pas, i kat leit infomesen we i sud kamaot blong pipol i pripea.

Long narasaet, Chairman blong Public Service Commission, Simil Johnson, i talem se konsen blong Memba blong Palemen Mr Napat hemi konsen blong evri pipol long Vanuatu.

Mr Johnson i talem se isu blong hu blong rikriutum insaed long ol ki posison ia hemi isiu blong Public Service Commission mo Commission i mekem sua se ol bes pipol i ko wok long long posisen ia.

“Folem advertisement blong wan post, hemi mas kam wetem ol criteria blong man we i aplae i mas kwalifae,” Mr Johnson i talemaot.

“Mo i mas ko tru long proses mo taem i komplete, commission nao i konfemem. Ol ofisa we oli stap naoia, mi biliv se oli kwalifae enaf blong oli save karemaot wok blong olgeta anda long wok we oli sud mekem.  Felia blong mekem hemi lak blong kodinesen, commission i no tekem i isi. Mo sapos i nokat capasiti, pa yumi adresem tru long trening we i stap.

VBTC Nius i traem blong kasem Prime Minista ova long sam mata we i rilet mbe i no posibol from i kat miting blong Council blong ol Minista i sidaon.

(Visited 645 times, 1 visits today)

About The Author

You might be interested in