Kol blong involvem ol people wetem spesel nid

Wan representativ blong olgeta pipol wetem spesel nid i kol long ol parents we oli gat ol pikinini wetem disabiliti, blong oli mas involvem olgeta long ol aktiviti blong Vanuatu Society blong People wetem Disability.

Freda Willie i talem toktok ia long selebresen blong International dei blong ol pipol wetem spesel nid long eli manis ia, December.

Hemi talem se ol pipol wetem spesel nid oli kat raet tu.

“ Mi wantem se tete yufala ol papa mo mama we i stap long selebresen ia mo yufala i arem mi, blong plis sapos yu kat ol pikinini we hemi bon wetem disabiliti, yu mas luksave pikinini ia,” hemi talem.

“Pikinini o man ia hemi kat raet mo taem hemi kat raet, hemi save mekem eni samting.

“ Hemi impoten blong yumi kivim kakae, klos mo everi basic nid blong hem from taem yumi no mekem bae ol samting i nogud.”

Director General long Ministry blong Justice mo Community Service, Doresthy Kenneth Watson, i talem se plante sapot i kam long selebresen blong yia ia.

Hemi talem se naoia ol pipol oli jes kam blong luksave nid blong wok tuketa wetem ol pipol wetem spesel nid.

“ Yumi luk raon mo lukluk se hemi difren long las yia, long sense se plante pipol oli stap kamaot espesili ol pipol we oli stap live wetem disabiliti,” Mrs Watson i talem.

“ Mi luk tu jenerol sapot blong program blong tete, wan difrens we mi luk i soem se yumi stap kam blong luksave toktok ia we hemi inclusiveness.”

Bigfala toktok blong selebresen blong International day blong ol pipol wetem spesel nid long yia ia, hemi i no evri disabiliti oli visible we i minim se plante long ol pipol wetem spesel nid oli jes stap kamaot mo expos long ol aktiviti we Vanuatu Disability desk i stap ranem.

International dei blong ol Disability i stap hapen long evri yia long namba 3 December.

(Visited 91 times, 1 visits today)

About The Author

You might be interested in